ԱՄՆ իշխանությունները ահաբեկիչների «սև ցուցակում» են ներառել Աբու Մուհամմադ Ալ-Ջավլանիին, որը գլխավորում է «Ալ-Նուսրայի ճակատ» խմբավորումը: Վերջինս համարվում է Սիրիայում «Ալ-Քաիդայի» ստորաբաժանում: Այս մասին հայտնել է ԱՄՆ Պետդեպը՝ փոխանցում է ITAR-TASS-ը:
Հայտարարության մեջ նշվում է, որ պատժամիջոցների սահմանման արդյունքում սառեցվում է ԱՄՆ-ում գտնվող ողջ ունեցվածքը, որի հետ կարող է կապ ունենալ Ալ-Ջավլանին: Բացի այդ, ԱՄՆ քաղաքացիներին արգելվում է նրա հետ ցանկացած գործարք կնքել:
Դրա հետ մեկտեղ ԱՄՆ ֆինանսների նախարարությունը հայտնել է Սիրիայի պաշտպանության, առողջապահության, արդյունաբերության և արդարադատության նախարարների դեմ պատժամիջոցների սահմանման մասին:
