Գերմանիայի կանցլեր Անգելա Մերկելը հինգշաբթի օրը Բրյուսելում առանձին հանդիպում կունենա Հունաստանի և Թուրքիայի վարչապետների հետ, հայտնում է RIA Novosti-ն:
«Մերկելը կհանդիպի Հունաստանի և Թուրքիայի վարչապետների հետ ինչպես ընդհանուր հանդիպմանը, այնպես էլ առանձին»,- չորեքշաբթի հայտնել է կանցլերի ներկայացուցիչը: Ենթադրվում է, որ երկու երկրների վարչապետերի հետ կանցլերը կքննարկի այսպես կոչված կոնտինգենտի ձևավորումը, Եվրոպայում փախստականների օրինական տեղաշարժի համար: Հինգշաբթի և ուրբաթ օրերին Բրյուսելում տեղի կունենա ԵՄ գագաթնաժողովը:
Ավելի վաղ Մերկելը և Դավութօղլուն պայմանավորվել են ձևավորել աշխատանքային խումբ, քննարկելու համար այն, թե ինչպես է հնարավոր օրինական ձևով սիրիացի փախստականներին ուղարկել Գերմանիա:
Կանցլերի խոսքերով` գագաթնաժողովում նա պնդելու է հենց դա, այլ ոչ թե «հանձնվել և դրա փոխարեն փակել Հունաստանի սահմանը Մակեդոնիայի և Բուլղարիայի հետ իր բոլոր հետևանքներով Հունաստանի, ԵՄ և Շենգենյան գոտու համար»:
