Որոշ մարդիկ կարծում են, թե մենք դաժան աշխարհում ենք ապրում: Բարեբախտաբար, կան այնպիսի մարդիկ, ովքեր իրենց արարքներով հերքում են այդ կարծիքը: Եվ Էնթոնի Սիմերիսը հենց այդպիսին է:
Հեռավոր 1988 թ. ԱՄՆ-ի Հարթֆորդ քաղաքի բնակիչը որոշել էր ավարտել բիզնեսում իր կարիերան և վաստակած հանգստի գնալ: Օրերից մի օր եկեղեցում լսած քարոզը կտրականապես փոխեց Էնթոնիի կյանքը. նա որոշեց օգնել անտուն և չքավոր մարդկանց:
Այսպիսով, Սիմորիսը հավաքեց բոլոր անհրաժեշտ գործիքները և սկսեց շրջել ամբողջ քաղաքով և անտուն ու կարիքավոր մարդկանց գտնել:
Իր գործունեությունը «բարի սամարացին» սկսել է ապաստարաններից, բարեգործական կենտրոններից, որտեղ նա կտրում էր անտունների մազերը, սափրում և նույնիսկ մերսում էր բոլոր ցանկացողների դեմքերը:
Այժմ ամեն չորեքշաբթի Բուշել զբոսայգում կարելի է 82-ամյա թոշակառուին բազմաթիվ անտուն մարդկանցով շրջապատված տեսնել:
Սիմերիսը ուշադիր լսում է իր հաճախորդների ցանկությունները և անցնում իր գործին:
Oddity Central կայքի տվյալներով՝ միակ վճարը պինդ ընկերական գրկախառնությունն է:
Անվճար վարսահարդարման ծառայությունը կարող է այնքան էլ լուրջ զբաղմունք չթվալ, սակայն անտունների համար դա, իրոք, մեծ նշանակություն ունի, քանի որ նրանցից շատերին արտաքին տեսքի համար աշխատանքի չեն վերցնում:
