ԱՄՆ-ի Վաշինգտոն նահանգում դատավճիռ է կայացվել 5-րդ դասարանի աշակերտի նկատմամբ, որին մեղավոր են ճանաչել դպրոցականներից մեկի նկատմամբ հարձակում կազմակերպելու մեջ: Աղջիկներից մեկին պատրաստվում էին առևանգել, ապա սպանել:
Սթիվենս շրջանի դատավոր Ալեն Նիլսոնը երեխային դատապարտել է 5,5 տարվա ազատազրկման: Ընդ որում՝ նա վաղաժամ ազատվելու իրավունք կարող է ունենալ միայն 3 տարի անց, հաղորդում է Reuters-ը:
Ինչպես հետևում է նյութի գործերից, հանցագործությունը պատրաստվում էին իրականացնել Կոլվիլ քաղաքի դպրոցներից մեկում՝ Սիեթլից 350 կմ հեռավորության վրա:
Տղան պայմանավորվել էր 11-ամյա համախոհի հետ, որ հաշվեհարդար տեսնեն համադասարանցու հետ: Տղային դուր չի եկել, որ նախկին ընկերուհին իրեն կոպտել է, ինչպես նաև ծաղրել ընկերների մոտ:
Դպրոցականները մտադիր էին աղջկան տանել ամայի վայր, ապա սպանել, գրում է The Spokesman-Review-ն:
Տղաներին դանակով ու ատրճանակով ձերբակալել էին դպրոցական ավտոբուս նստելիս: Աշակերտներից մեկը չարագործների մոտ տեսել էր դանակն ու այդ մասին հայտնել ուսուցչի օգնականին:
Տղաները խոստովանել էին իրենց մտադրությունը:
Համախոհի գործով դատական նիստ դեռ չի նշանակվել, այն տեղի կունենա այս ամիս:
