ԱՄՆ-ի Սիեթլ քաղաքից մի տղամարդ, որը մտադիր էր Բրազիլիա հասնել՝ անցնելով 11 երկիր՝ իր հետ տանելով ֆուտբոլային գնդակ, մահացել է: Նա Օրեգոն նահանգում ենթարկվել է ավտովթարի՝ ասվում է այն հաղորդագրության մեջ, որը սպանվածի ընկերները թողել էին Facebook-ի նրա էջին: Ավելի ուշ տղամարդը հիվանդանոցում մահացել էր:
Ինչպես հաղորդվում է BreakAwayBrazil.com կայքում, մահացած 42-ամյա Ռիչարդ Սվենսոնը տնից դուրս է եկել մայիսի 1-ին: Տղամարդը մտադիր էր գնդակով հաղթահարել շուրջ 16 հազար կմ՝ մինչև Սան Պաուլո, որտեղ 2014-ին պետք է տեղի ունենա Ֆուտբոլի աշխարհի առաջնությունը:
Անսովոր ակցիան կազմակերպվել էր One World Futbol Project բարեգործական նախագծի շրջանակում, որոնց մասնակիցները զարգացող երկրների երեխաներին նվիրում են ամուր ֆուտբոլային գնդակներ:
