Հարյուրավոր հույն ուսուցիչներ մայիսի 10-ին ՝Հունաստանի դպրոցներում քննությունների շրջանում որոշել են ցույց անել՝ բողոքելով քաղաքացիական մոբիլիզացիայի դեմ:
Սակայն Հունաստանի նախարարների կաբինետը հայտարարել է, որ թույլ չի տա քննությունների տապալում, որոնց արդյունքներով են բուհեր ընդունվում ավարտական դասարանների աշակետները։ Կառավարությունը նաև հայտարարել է 86 հազար ուսուցիչների մոբիլիզացիայի մասին։
Նրանք, ովքեր չեն կատարի կառավարության հրամանը ու չեն գնա աշխատանքի, սպառնում է տուգանք ու բանտարկություն:
Ուսուցիչների OLME արհմիությունը երկուշաբթի երեկոյան երթ էր կազմակերպել Սինտագմայի հրապարակի մոտ, որտեղ տեղակայված է Հունաստանի խորհրդարանը: Շատ ուսուցիչներ հագել էին զինվորական համազգեստ, որոշները սոսնձել էին բերանները՝ փորձելով նման ձևով ցույց տալ, որ չեն կարող արտահայտել իրենց վերաբերմունքը կառավարության նկատմամբ:
Այսօր Հունաստանում տեղի կունենա պետական ծառայողների 24-ժամյա գործադուլ «Ուսուցիչների պայքարը բոլոր աշխատավորների պայքարն է» կարգախոսով:
Որպես համերաշխության նշան՝ գործադուլ է հայտարարել նաև Հունաստանում պետական ոլորտի աշխատողների ADEDY արհմիությունը:
Մինչ այդ՝ երեկ Հունաստանի Գերագույն դատարանը հրաժարվել է կասեցնել երկրի կառավարության որոշումն ուսուցիչների քաղաքացիական մոբիլիզացիայի մասին:
Ուսուցիչների արհմիությունը կառավարության որոշումը համարում է հակասահմանադրական ու հակասող Մարդու իրավունքների եվրոպական կոնվենցիային, հայտնում է RIA Novosti-ն:
