Նյու Յորքում Rapid Realty անշարժ գույքի գործակալության մենեջեր Էնթոնի Լոլին իր աշխատակիցներին առաջարկել է բարձրացնել աշխատավարձը 15 %-ով, եթե նրանք իրենց մարմնի վրա դաջեն ընկերության տարբերանշանը, հաղորդում է fedpost-ը:
Գործակալության շուրջ 40 աշխատակիցներ դիմել են այդ քայլին: Լոլիի մոտ նման գաղափար առաջացել է այն բանից հետո, երբ աշխատակիցներից մեկը զանգահարել է նրան և ասել, որ նախատեսում է դաջել Rapid Realty ընկերության տարբերանշանը: Նման դաջվածքն արժե շուրջ 300 դոլար, հատուկ պահանջներ չկան, թե մարմնի որ մասում պետք է դաջել այն:
Հաղորդվում է, որ գործակալության տնօրենը ևս մտադիր է նման դաջվածք անել: