Սիրիայի հեղափոխական ուժերի և ընդդիմության ազգային կոալիցիան մտադիր է մայիսի 23-ին Սամբուլում հանդիպում անցկացնել, որի ժամանակ դրա ղեկավարությունը, ինչպես նշվում է, միության նոր ղեկավար կընտրի: Ինչպես նշել է կոալիցիան, նիստին կորոշվի նաև Ռուսաստանի և ԱՄՆ-ի կողմից առաջարկված Սիրիայի խնդրի կարգավորման միջազգային կոնֆերանսի վերաբերյալ դիրքորոշումը:
Ավելի վաղ կոալիցիայի ներկայացուցիչները ողջունել էին ԱՄՆ-ի և ՌԴ-ի կողմից ձեռք բերված պայմանավորվածությունը, համաձայն որի՝ Մոսկվան և Վաշինգտոնը պետք է աջակցեն Սիրիայի իշխանություններին և ընդդիմությանը խնդրին քաղաքական լուծում տալու գործընթացում: Մինչդեռ, կոալիցիայի ղեկավարությունը նշել է, որ Սիրիայի խնդրի ցանկացած կարգավորում պետք է սկսվի Բաշար Ասադի հեռացումից:
Նշենք, որ կոալիցիայի առաջնորդի պաշտոնը ժամանակավորապես զբաղեցնում է Սիրիայի ազգային խորհրդի առաջնորդ Ջորջ Սաբրան:
Դրանից բացի, Թուրքիայում կոալիցիան մտադիր է քննարկել նաև իր կողմից ընտրված ժամանակավոր վարչապետ Հասսան Խիտտոյի հետագա ճակատագիրը:
