Պակիստանի վարչապետ Միր Հազար Խան Խոսոն արգելել է պաշտոնյաներին աշխատավայրում օդորակիչներ օգտագործել, հաղորդում է Associated Press-ը:
Պետական հաստատություններում օդորակիչների լիակատար արգելքն ուժի մեջ կմտնի մայիսի 15-ից և կշարունակվի մինչև էլեկտրաէներգիայի խափանումների ավարտը: Սահմանափակումները մտցվել են էլեկտրացանցերի վրա ծանրաբեռնվածությունը թուլացնելու համար: Այս պահին երկիրը գտնվում է էներգետիկ ճգնաժամի մեջ:
Կառավարության ղեկավարը նաև նոր ամառային դրես-կոդ է սահմանել, որը նախատեսում է կրել բաց գույնի ազատ ոճի հագուստ: Դա, վարչապետի կարծիքով, թույլ կտա աշխատողներին պայքարել շոգի դեմ: Նշենք, որ ամռանը Պակիստանում օդի ջերմաստիճանը հասնում է 40-ի՝ ըստ Ցելսիուսի:
Պակիստանում էներգետիկ ճգնաժամը կապված է 1980-ական թթ. քաղաքային բնակչության զգալի աճի հետ:
