Սիրիայում համացանցի անջատման պատճառը տեխնիկական է. պաշտոնական

Սիրիայում համացանցն անջատված է մալուխների վնասման պատճառով: Այս մասին հաղորդում է BBC-ն՝ վկայակոչելով Սիրիայի պաշտոնական ԶԼՄ-ները:

Մասնավորապես, Sana տեղեկատվական գործակալության հաղորդմամբ՝ արդեն շուտով համացանցի հետ կապված խնդիրները կլուծվեն:

Նշենք, որ ըստ ընդդիմության՝ դա իշխանությունների կողմից ծրագրված դիտավորյալ քայլ է, որը նպատակ ունի դժվարացնել տեղեկության փոխանակումն ապստամբների միջև:

Որոշ IT մասնագետներ նույնպես նշում են, որ իշխանությունները կարող են կապ ունենալ խափանումների հետ: