Սյունիքի մարզի ընդհանուր իրավասության դատարանի վարույթ է ընդունվել Անդրանիկ Ներսեսյանի նկատմամբ հարուցված քրեական գործը, ով մեղադրվում է դիսկոտեկի ընթացքում վիճաբանել և խոհանոցային դանակով Արթուր Հայրապետյանին հարվածներ հասցնելու մեջ:
Ըստ մեղադրանքի, դեպքը տեղի է ունեցել 06.01.2013 թ., Մարտունու շրջանի Մաճկալաշեն գյուղում կազմակերպված դիսկոտեկի ընթացքում, որտեղ 24-ամյա Անդրանիկ Ներսեսյանը վիճաբանության մեջ է մտել Արթուր Հայրապետյանի հետ: Ըստ գործի նյութերի Ա. Ներսեսյանը իր մոտ գտնվող խոհանոցային դանակով դիտավորությամբ հարվածել է Ա. Հայրապետյանի մարմնի տարբեր մասերին՝ պատճառելով կյանքին վտանգ սպառնացող ծանր վնաս:
Անդրանիկ Ներսեսյանը մեղադրվում է ՀՀ քրեական օրենսգրքի 112-րդ հոդվածի 1-ին մասով, նրա նկատմամբ խափանման միջոց է ընտրվել չհեռանալու մասին ստորագրությունը:
