Բոստոնի քաղաքապետ Թոմաս Մենինոն թույլ չի տալիս իր քաղաքում հուղարկավորել Բոստոնի ահաբեկչության հավանական կազմակերպիչ Թամերլան Ցարնաևին: Այս մասին հաղորդում է ITAR-TASS-ը՝ վկայակոչելով քաղաքապետի մամլո քարտուղար Դոթ Ջոյսի խոսքերը:
«Այդ մարդուն Բոստոնում հուղարկավորելը անհարգալից վերաբերմունք կլիներ քաղաքի բնակիչների նկատմամբ»,- ասել է Ջոյսը:
Բացի այդ, նա նշել է, որ Ցարնաևին Բոստոնում հուղարկավորելը կխախտի արձանագրությունը, քանի որ ենթադրյալ ահաբեկիչը երբևէ այստեղ չի ապրել: Վերջին ժամանակներս ահաբեկիչը բնակվել է Մասաչուսեթս նահանգի Քեմբրիջ քաղաքում:
