ԱՄՆ-ը և նրա միջազգային գործընկերները հույս ունեն, որ ԿԺԴՀ-ն կհրաժարվի իր «սադրիչ գործողություններից»՝ չնայած որ դեռևս դրական փոփոխություններ չեն նկատվում: Այս մասին այսօր հայտարարել է ԱՄՆ նախագահ Բարաք Օբաման՝ Սպիտակ տանը Հարավային Կորեայի նախագահ Պան Կին Հեի հետ հանդիպումից հետո:
Օբամայի խոսքերով՝ այն օրերը, երբ Փխենյանն իր գործողություններով ճգնաժամային իրավիճակ էր ստեղծում և զիջումների հասնում, ավարտվել են: Նա ասել է, որ ԿԺԴՀ-ն պետք է փոխի իր վարքագիծը:
Օբաման նաև ասել է, որ անձամբ ծանոթ չէ Հյուսիսային Կորեայի նախագահի հետ, երբևէ չի զրուցել նրա հետ, ուստի չի կարող նրան գնահատել, սակայն «նրա գործողությունները սադրիչ բնույթ են կրում: Եթե նա այլ ճանապարհ ընտրի, ապա մենք (Վաշինգտոնը և Սեուլը) կողջունենք դա»:
