CBS ամերիկյան հեռուստաալիքը պատմել է ԱՄՆ նախկին նախագահ Բիլ Քլինթոնի՝ Led Zeppelin խումբը վերամիավորելու անհաջող փորձի մասին: Նախկին նախագահը խմբի անդամներին փորձել է համոզել միավորվել բարեգործական համերգին ելույթ ունենալու համար՝ հօգուտ «Սենդի» փոթորկից տուժածների, սակայն ապարդյուն: Այս մասին հաղորդում է Associated Press-ը:
60 Minutes Overtime հաղորդմանը ցուցադրվել է սյուժե այն մասին, թե ինչպես են Robin Hood Foundation բարեգործական հիմնադրամի անդամ Դևիդ Սալցմանը և կինոպրոդյուսեր Հարվի Վայնշտեյնը 2012թ. աշնանը մեկնում Վաշինգտոն: Նրանք Քլինթոնից խնդրում են հանդես գալ որպես միջնորդ համերգի կազմակերպիչների և բրիտանական լեգենդար խմբի միջև:
ԱՄՆ նախկին նախագահը համաձայնվում է օգնել և հանդիպում է Ջիմ Փեյջի, Ռոբերտ Պլանտի և Ջոն Փոլ Ջոնսոնի հետ, որոնք այդ ժամանակ գտնվում էին Վաշինգտոնում, սակայն երաժիշտները մերժում են Քլինթոնի առաջարկը:
Հիշեցնենք, որ բարեգործական համերգը տեղի է ունեցել 2012թ. դեկտեմբերի 12-ին Նյու Յորքի «Մեդիսոն Սքվեր Գարդեն»-ում: Համերգին ելույթ են ունեցել The Rolling Stones-ը, The Who-ն, Քանյե Ուեսթը, Քրիս Մարտինը, Ռոջեր Ութերսը և այլք: Համերգում ելույթ ունենալու համար վերամիավորվում է Nirvana խումբը՝ Փոլ Մաքքարթնիի առաջնորդությամբ:
