Ռուսական Interfax լրատվական գործակալության փոխանցմամբ՝ Ուկրաինան ունի բոլոր հնարավորությունները՝ 2016 թվականի ավարտին – 2017 թվականի սկզբին ԵՄ-ի հետ ոչ վիզային ռեժիմ ստանալու համար։ Այդ մասին ICTV հեռուստաալիքի եթերում հայտարարել է Լիտվայի նախագահ Դալիա Գրիբաուսկայտեն:
«Ուկրաինան երկու տարում վիթխարի աշխատանք է կատարել վիզային ռեժիմի ազատականացումը նախապատրաստելու ուղղությամբ, և ցանկանում եմ ողջունել նախորդ տարվա դեկտեմբերին Եվրոպական հանձնաժողովի հրապարակած շատ դրական հաշվետվության կապակցությամբ, որում նշված է, որ «Ուկրաինան պատրաստ է»։ Մնացել է միայն քաղաքական ընթացակարգը՝ ԵՄ-ի Խորհրդի կողմից հաստատումը»,- ասել է նա։
Լիտվայի նախագահը հիշեցրել է, որ Նիդերլանդներում հանրաքվե է պլանավորված ազատ առևտրի գոտու վերաբերյալ համաձայնագրի վավերացման համար։ Նա ընդգծել է, որ դրա համար անհրաժեշտ է ԵՄ-ի անդամ բոլոր երկրների կոնսենսուսը. «Սակայն ամեն դեպքում մենք արդեն իսկ սկսել ենք օգտվել այդ համաձայնագրից՝ Ուկրաինայի համար բացելով եվրոպական սահմանները»։
