ԱՄՆ-ում Տեխասի հրաձգային զորավարժարանում մայիսի 4-ին փորձարկում է անցել 3D-պրինտերի օգնությամբ ստեղծված ատրճանակը:
Հրազենային զենքը պատրաստվել է պլաստիկից՝ 8 հազար դոլար արժողությամբ Dimension SST սարքի միջոցով։
Տեսանյութում ատրճանակը կատարում է միակ կրակոցը: Ամենայն հավանականությամբ, դրանից հետո զենքը կոտրվել է:
Զենքը ստեղծվել է Defense Distributed կազմակերպության կողմից։ Դրա ստեղծողը՝ 25-ամյա Քոդի Ուիլսոնն, արդեն հայտարարել է, որ մոտ օրերս հրապարակելու է համացանցում ատրճանակի աշխատանքային սևագրությունները, որի օգնությամբ այն կարող է տպել ցանկացած մարդ:
The Liberator կոչվող ատրճանակը բաղկացած է 16 մասից։ Ատրճանակը միայն 1 մեխանիկական տարր ունի:
Ինչպես հայտնում է The Forbes ամսագիրը, ատրճանակի հեղինակներն այն ստեղծել են նրա համար, որ այն հնարավոր չլինի աննկատ անցկացնել օդանավակայանի մետաղական սքաների միջով:
The Liberator-ի ստեղծողները ցուցադրել են միայն ատրճանակի արտաքին տեսքն ու միակ կրակոցը: Ատրճանակը բնութագրող որևէ տեղեկատվություն չի տրվում։
