Առաջին անգամ Հռոմի Պապի կողմից իրականացվող պատարագը, որը նախատեսված է մայիսի1-ին, կձայնագրվի 3D ֆորմատով:
Այս մասին հաղորդում է RIA-Novosti գործակալությունը` հղում կատարելով Վատիկանի ռադիոյին:
Պատարագի ժամանակ Բենեդիկտոս XVI-ը իրեն նախորդած Հովհաննես Պողոս Երկրորդին կդասի օրհնյալների շարքը: Հռոմի Պապ Հովհաննես Պողոս Երկրորդի դագաղը ուրբաթ օրը դուրս է բերվել դամբարանից` բեատիֆիկացիայի համար:
3D նախագիծը կիրականացվի Վատիկանի հեռուստաընկերության և Sony ընկերության հետ համատեղ: Վատիկանի հեռուստատեսության ներկայացուցչի խոսքերով, ամբողջ պատարագի 3D-ֆորմատով ցուցադրումը առաջին քայլն է եռաչափ ցուցադրության մեջ, որոնք տալիս են կենդանի մասնակցության էֆեկտ, որն ավելի մեծ պահանջարկ ունի:
Ավելի վաղ Վատիկանի հեռուստատեսությունը գնել է շարժական հեռուստակայան, որը ձայնագրում և հեռարձակում է թվային ֆորմատով և բարձր որակով եթեր: Կենտրոնի ղեկավարությունը հայտարարել է, որ տեխնիկական փոփոխությունները կդառնան գերակա իրենց գործունեության մոտակա տարիների ընթացքում:
Հիշեցնենք նաև, որ Բենեդիկտոս XVI-ը այս ամիս առաջին անգամ ելույթ է ունեցել հեռուստաեթերում, որտեղ պատասխանել է հեռուստադիտողների հարցերին:
