Մայլի Սայրուսը և նրա նախկին սիրելի Լիամ Հեմսվորթն Ավստրալիայում են անցկացնում ամանորյա տոները: Զույգին օրերս տեսել են երաժշտական փառատոնի ժամանակ կրքոտ համբուրվելիս, հայտնում է E! Online-ը: Պարզվել է՝ երգչուհին և դերասանը հանդիպում են դեռևս նոյեմբերից, և ահա, Մայլին չեղարկել է Լոս Անջելեսում ծրագրված ելույթը, որ ևս մի քանի օր անցկացնի Լիամի հետ:
Լիամ Հեմսվորթը և Մայլի Սայրուսը
Սկանդալային երգչուհին պետք է Freeheld ֆիլմից Hands of Love երգը կատարեր Լոս Անջելեսում երեկույթներից մեկի ժամանակ, բայց արդեն միջոցառման ժամանակ երգի հեղինակ Լինդա Փերին հայտարարել է, որ Սայրուսը ներկա չի լինի այդ երեկույթին, քանի որ դեռ չի վերադարձել Ավստրալիայից:
Հիշեցնենք՝ Men’s Fitness պարբերականին տված հարցազրույցում Սայրուսի նախկին-նոր սիրելին Լիամ Հեմսվորթն ասել է, որ միշտ զգացմունքներ կունենա Մայլիի հանդեպ:
«Դու սիրահարվում ես նրան, ում սիրահարվում ես… Դու չես ընտրում այդ մարդուն, ընտրում է սիրտդ, ոչ թե բանականությունդ: Մենք միասին ենք եղել 5 տարի, և ես կարծում եմ՝ իմ զգացմունքները նրա հանդեպ ընդմիշտ կմնան: Դա ապացուցում է, որ մեր հարաբերություններն իրական են եղել, դա րոպեական պատրանք չի եղել: Նա եղել է իմ կյանքի կարևոր մասը և ընդմիշտ այդպիսին կմնա»,- ասել է Լիամը: Ներքին աղբյուրների վկայությամբ՝ այդ ժամանակ էլ վերսկսվել է նրանց սիրավեպը:
