Պրոֆեսիոնալ բռնցքամարտի 8 քաշային կարգում աշխարհի նախկին չեմպիոն Մենի Պակյաոն հայտարարել է, որ հանուն Ֆլոյդ Մեյուեյզերի հետ ռևանշ մենամարտի չի պատրաստվում մտափոխվել մարզական կարիերայի ավարտի հարցում։
Ապրիլի 9-ին ֆիլիպինցին մենամարտելու է Տիմոտի Բրեդլիի հետ։ Այդ մենամարտը վերջինն է լինելու նրա կարիերայում։ Այդ մենամարտից հետո Պակյաոն շարունելու է քաղաքական կարիերան Ֆիլիպինյան կղզիներում։
«Երբեք չեմ ասել, որ պատրաստ եմ Մեյուեյզերի հետ ռևանշի համար հրաժարվել կարիերաս ավարտելու մտքից։ Ապրիլի 9-ի մենամարտից հետո հեռանալու եմ բռնցքամարտից։
Տիմոտի Բրեդլին վերջին մրցակիցս է։ Հեռանում եմ բռնցքամարտից, որպեսզի կենտրոնանամ նոր աշխատանքիս վրա»,- հայտարարել է Պակյաոն։
