Բրիտանական հասարակությունն իրավունք ունի իմանալու, թե ում և ինչու են ձերբակալում իրավապահ մարմինները՝ գրում է The Daily Telegraph-ը: Թերթը կարծում է, որ դա հիմնարար և ժողովրդավարական իրավունք է: Թերթը քննադատում է ենթադրյալ հանցագործների անունները հրապարակելու հարցում մամուլին սահմանափակելու փորձերը:
Ինչպես հիշեցնում է պարբերականը՝ ոստիկանապետերի ասոցիացիան և որոշ ավագ դատավորներ ենթադրում են, որ կասկածյալները պետք է պահպանեն անունների չհրապարակումը: Նրանք վստահ են, որ հակառակ դեպքում անմեղների հեղինակությունը կվնասվի:
Telegraph-ը կարծում է, որ դա հնչում է որպես ազնիվ գաղափար, սակայն այն չափազանց անհեռատեսական է: Թերթը որպես օրինակ բերում է 2012-ին BBC-ի հաղորդավար Ստյուարտ Հոլի հետ տեղի ունեցած սկանդալը: Նա մեղադրվում էր սեռական բնույթի երեք հանցագործության մեջ, սակայն ԶԼՄ-ներում այդ պատմության լայնորեն լուսաբանման ժամանակ ի հայտ եկան կատարվածի իրական մասշտաբները: Դրանից հետո ևս 10 կին Հոլին մեղադրեց նմանօրինակ հանցանքում:
