ԵՄԱ նախագահ Բորիս Նավասարդյանը Մամուլի, խոսքի ազատության միջազգային օրվա կապակցությամբ անդրադարձավ Հայաստանում խոսքի ազատությանը: Ըստ նրա՝ Freedom house-ի հերթական զեկույցը ցույց տվեց, որ Հայաստանը, չնայած փոքր տարբերությամբ, մնում է անազատ մամուլ, անազատ լրատվամիջոցներ ունեցող երկրների շարքում:
Պատասխանելով այն հարցերին, թե որոնք են պատճառները և արդյո՞ք կա Հայաստանում խոսքի ազատություն, Բորիս Նավասարդյանն ասաց, որ Հայատսանում խոսքի ազատության համար կան հնարավորություններ, բայց այդ հնարավորությունները բավարար ապահովված և պաշտպանված չեն: Նա օրինակ բերեց, որ եթե լրագրողին կարող են աշխատանքից հեռացնել միայն նրա համար, որ նա Facebook-ում գրառումներ է կատարում. «Արդյո՞ք սա խոսում է նրա մասին, որ Հայաստանում խոսքի ազատություն կա, իհարկե՝ ոչ»: Բորիս Նավասրդյանի դիտարկմամբ՝ եթե գործատուի և լրագրողի միջև լիներ աշխատանքային պայմանագիր, որտեղ նշված լիներ, որ Facebook-ում չի կարելի այդպիսի գրառումներ անել, որոնք հակասում են թերթի քաղաքականությանը, կամ եթե այդպիսի դրույթ լիներ աշխատանքային պայմանագրում, արդյոք դա կհամապատասխաներ ՀՀ օրենսդրությանը:
«Մենք ունենք ոչ բոլորի համար հեռարձակվելու հնարավորություն ունենալ եթերային լիցենզիա»,– ասաց նա՝ հավելելով, որ մենք պետք է հավասար մրցակցային պայմաններ ապահովենք, ինչը Հայաստանում չկա: Բոլոր անցած մրցույթներն ապացուցում են, որ Հայաստանում այդպիսի հավասար հնարավորություն չկա:
Նա նաև ասաց, որ խոսքի ազատության իրավունքը, որը սահմանադրությամբ ամրագրված է… արդյո՞ք ցանկացած խմբագիր հետևում է խմբագրական քաղաքականության նորմերին, որ կան Հայաստանում, այսինքն` թույլ տալ լրագրողներին գրել իրենց համոզմունքներին համապատասխան. «Երևի թե որևէ լրատվամիջոցում Հայստանում լրագրողի համար նման ազատություն չի ստեղծված, և ցանկացած լրագրող Հայաստանում պետք է հետևի ինչ-որ սահմանափակումների, որոնք սահմանվում են տվյալ լրատվամիջոցի խմբագրի կամ սեփականատիրոջ կողմից:
