Մինեսոտայից 53-ամյա Ֆիլիպ Մայքլ Շեֆերը Սենտ Քլաուդ քաղաքի հիվանդանոցում ստացել է թանկարժեք անվճար բուժում՝ ներկայանալով որպես բրիտանական Pink Floyd խմբի կիթառահար Դևիդ Գիլմոր:
Ոստիկանների տվյալով՝ St. Cloud Hospital-ի անձնակազմը Շեֆերին անվճար բուժել և դուրս է գրել, երբ նա թողել է «Գիլմորի ստորագրությունը»:
Հիվանդանոցի ներկայացուցիչ Ժանին Նիստլեն St Cloud Times թերթին պատմել է, որ անվտանգությունը, այդուհանդերձ, անհանգստացել է տղամարդու անձով ու որոշել է այնուհետ նրա նկարը համեմատել համացանցում Գիլմորի լուսանկարների հետ:
Քանի որ արտաքնապես տղամարդը Գիլմորին նման չի եղել, աշխատակիցները հասկացել են, որ իրենց խաբել են:
Երբ Շեֆերը 24 ժամ անց նորից վերադարձել է հիվանդանոց՝ շարունակելու բուժումը՝ դարձյալ ներկայանալով որպես Գիլմոր, նրան ձերբակալել են:
Արդյունքում՝ տղամարդուն ներկայացվել է խարդախության մեղադրանք. նա ստացել էր 100 հազար դոլար արժողությամբ անվճար բուժում:
