Հայաստանի պետական տնտեսագիտական համալսարանում այսօր տեղի ունեցած մաթեմատիկայի քննության ժամանակ մաթեմատիկայի դասախոս Սերգեյ Հովասափյանը ծեծել է իր առաջինկուրսեցի ուսանող Հայկ Ավետիսյանին: Քննության ժամանակ ուսանողը շրջվել է՝ ծածկագրից օգտվելու համար, դասախոսը դա նկատել է, և դուրս է հրավիրել ուսանողին: Երբ Հայկ Ավետիսյանը պատրաստվում էր դուրս գնալ, դասախոսը հետևից քացով խփել է ուսանողի հետույքին, ինչից հետո ուսանողը շրջվել է և պատասխան պահանջել: Պատասխանը եղել է բռունցքով հարվածքը ուսանողի դեմքին: Ուսանողը դուրս է եկել լսարանից:
Սակայն դեպքին ականատես ուսանողները աղմուկ են բարձրացրել, և երբ կրքերը սկսել են բորբոքվել, ՀՊՏՀ շենք են մուտք գործել կարմիրբերետավորները՝ իրավիճակը վերահսկելու համար: Սրան զուգահեռ բուհի ռեկտոր Յուրի Սուվարյանը ռեկտորատի նիստ է գումարել, որտեղ որոշվել է Սերգեյ Հովասափյանին հեռացնել դասախոսական գործնեությունից՝ թողնելով միայն բուհի Կարիերայի կենտրոնի վարիչի պարտականությունները:
Արարքը խոր վրդովմունք է առաջացրել ուսանողության շրջանում: