Ամերիկացի սենատոր Լինդսի Գրեմը կիրակի օրը ելույթ ունենալով CBS հեռուստաալիքով՝ ասել է, որ Սիրիայում քիմիական զենքի կիրառման իրավիճակի հանդեպ Վաշինգտոնի անգործությունը կարող է հանգեցնել Իրանի ու ԱՄՆ-ի միջև պատերազմի և Սիրիայի անկման:
ԱՄՆ իշխանությունները հինգշաբթի հայտարարել էին, որ Սիրիայում հակամարտության ընթացքում քիմիական զենք է կիրառվել: Բարաք Օբամայի վարչակազմը նման գործողությունները «կարմիր գիծ» է համարում Բաշար Ասադի ռեժիմի համար: Սակայն Վաշինգտոնը խոստովանում է, որ նախնական գնահատականները բավարար չեն անհապաղ գործողությունների դիմելու համար, և հետաքննությունը կշարունակվի:
«Եթե մենք վճռական չգործենք Սիրիայի հանդեպ… ապա պատերազմ կունենանք Իրանի հետ»,- հայտարարել է Գրեհեմը: Նրա կարծիքով՝ Իրանը Սիրիայի հանդեպ ԱՄՆ-ի անգործությունը կընդունի որպես նշան առ այն, որ ԱՄՆ-ը լրջորեն չի վերաբերվում Իրանի միջուկային ծրագրին:
