Հեռուստաշոուի ժամանակ հարցազրույցի ընթացքում Եվա Լոնգորիան, անկեղծանալով, պատմել է, թե ինչպես է ինքը տառապել նախկին ամուսնուց՝ Թոնի Փարքերից ամուսնալուծվելուց հետո: Այս մասին հաղորդում է Daily Mail-ը:
«Ես ոչինչ չէի ուտում: Ես ընկճախտով էի տառապում: Տխուր էի: Իմ սննդակարգում միայն սուրճն էր: Մարդիկ միշտ ասում էին ինձ. «Հիանալի տեսք ունես: Ամուսնալուծությունը քեզ վրա լավ է անդրադարձել»: Իսկ ես ասում էի, որ վատ եմ ինձ զգում և իմ մեջ ընդհանրապես էներգիա չկա»:
38-ամյա դերասանուհին ամուսնալուծվել է բասկետբոլիստ Թոնի Փարքերից, երբ իմացել է նրա դավաճանությունների մասին: Լոնգորիան խոստովանել է, որ չի էլ հասկացել, որ ընկճախտի մեջ է գտնվել: Արդյունքում, երբ նրա առողջական վիճակը վատացել է, Եվան բժիշկների օգնությանն է դիմել, ովքեր էլ պարզել են, որ նրա օրգանիզմում վիտամինների պակաս կա: Նրա հիմնական խնդիրը կապված է եղել լյարդի հետ:
Շուտով դերասանուհին բժիշկների խորհրդով հրաժարվել է քաղցրից և վիտամիններով հարուստ սննդակարգի անցել:
«Դրանից հետո ես այնքան էներգիա ունեի, որքան երբևէ չէի ունեցել»,- ասել է դերասանուհին:
