ԿԺԴՀ-ի զինվորականները երկրի ղեկավարությունից թշնամիներին ոչնչացնելու հրամանի են սպասում: Այս մասին հաղորդում է Rosbalt-ը:
«Երբ մեր օդուժի ինքնաթիռները ստանան գրոհելու հրաման, վառելանյութի մի քանի լրացուցիչ լիտրերի փոխարեն դրանք իրենց վրա կկրեն ատոմային ռումբեր: Նրանք կհարձակվեն թշնամու վրա և կջնջեն երկրի երեսից»,- ասվել է ԿԺԴՀ օդուժի հրամանատարության հայտարարության մեջ:
Հաղորդագրությունում նշվում է, որ ԿԺԴՀ բալիստիկ հրթիռներն «արդեն պատրաստ են ամերիկացի իմպերիալիստ ավազակներին առաջին հարվածը հասցնելու»:
«Եթե ամերիկացի իմպերիալիստները և նրանց ջատագովները համարձակվեն հարված հասցնել, նրանք անմիջապես կհասկանան՝ ինչ բան են իսկական միջուկային պատերազմը և փոխհատուցման հարվածները: Իսկ նրանց խամաճիկները (Հարավային Կորեա) կզգան միջուկային հոլոքոստի իսկական համը»,- նշվում է հայտարարության մեջ:
