Հնդկաստանը և Իրանը քննարկում են Օմանի նեղուցով Պակիստանը շրջանցող ստորջրյա գազատարի կառուցման հնարավորությունը, որը կարժենա 4․5 մլրդ դոլար, գրում է tass.ru-ն:
Այդ մասին տեղեկացրել է Իրանի գազի արտահանման ազգային ընկերության տնօրեն Ալիռեզա Քամելին Նյու Դելիում՝ Էներգետիկ քաղաքականության համաշխարհային գագաթնաժողովի կուլուարներում:
«Հարևան Պակիստանով գազատար անցկացնելու Հնդկաստանի առաջարկի մերժման հետ կապված՝ մենք բանակցություններ ենք վարում, և լրջորեն քննարկում ենք 4․5 մլրդ արժողությամբ ստորջրյա գազատարի կառուցման հնարավորությունը»,- հայտարարել է Քամելին:
Նրա խոսքերով՝ գազատարը կանցնի Օմանի նեղուցով, Հնդկական օվկիանոսով և դուրս կգա Հնդկաստանի արևմուտքում գտնվող Գուջարաթ նահանգի ափում: Նա նշել է, որ անհրաժեշտ համաձայնիգիրը ստորագրելուց անմիջապես հետո կսկսվի գազատարի կառուցումը, որը կտևի երկու տարի:
