Թուրքական Dünya Bülteni լրատվական կենտրոնի փոխանցմամբ` Թուրքիայի արտգործնախարար Մևլյութ Չավուշօղլուն հայտարարել է, որ դեկտեմբերի 9-ին Թուրքիա կժամանի Հյուսիսային Իրաքի քրդական ինքնավարության առաջնորդ Մասուդ Բարզանին։
Չավուշօղլուն մանարամասներ չի ներկայացրել Բարզանիի թուրքական այցի վերաբերյալ։ Լրատվամիջոցը, սակայն, հայտնել է, որ ռուսական գազից Թուրքիայի ունեցած կախվածության նվազեցման մասին իշխանությունների պատրաստած C պլանն առնչվում է Հյուսիսային Իրաքին, այնտեղից գազ ներկրելուն։ Ակնկալվում է, որ մինչև տարեվերջ մրցույթ կհայտարարվի Հյուսիսային Իրաքից դեպի Թուրքիայի Շըրնաք նահանգ գազատար անցկացնելու մասին։
Թուրքիայի իշխանությունների A պլանը կապված է Կատարից հեղուկ գազի ներկրումների հետ, իսկ B պլանն առնչվում է Ադրբեջանից գազի մատակարարարումների նոր ծավալն արագացնելուն (TANAP գազատարի կառուցման արագացում)։
