Ռուսաստանի օդա-տիեզերական ուժերի ավիացիան, որը մասնակցում է Սիրիայում գործողություններին, թռիչքների համար օգտագործում է ևս երկու օդակայան՝ բացի Լաթաքիայում գտնվող Խմեյմիմ հիմնական ավիաբազայից: Այս մասին հաղորդում է «Կոմերսանտը»՝ վկայակոչելով ռազմական գերատեսչության աղբյուրներին:
Պարբերականի տվյալներով՝ որպես օդակայան Ռուսաստանի կողմից օգտագործվում են Հոմս գավառի Շայրաթ և Պալմիրայի ալ-Թայաս ավիաբազաները: Ալ-Թայաս օդակայանից ավիացիային ավելի հարմար է աջակցել Սիրիայի բանակին Դեյ-էզ-Զոր շրջանում հարձակումների ժամանակ: Շայրաթ բազան օգտագործվում է Հոմս գավառի հարձակումների ժամանակ Սիրիայի կառավարական բանակին աջակցելու համար:
Նշվում է, որ ռուս զինվորներին թույլատրված է անհրաժեշտության դեպքում օգտագործել սիրիական ցանկացած ենթակառուցվածք:
