Շատերը պահպանում են իրենց արտակարգ կոնտակտները հեռախոսում, սովորաբար գրանցելով որպես ICE կամ «արտակարգ համար»: Սակայն դա նշանակում է, որ հեռախոսի արգելափակման դեպքում արտակարգ համարը նույնպես թաքնված կլինի, գրում է Business Insider-ը:
Անցած աշնանն Apple ընկերությունը թողարկել է նոր ֆունկցիա` Medical ID: Սակայն, շատերը մինչև այժմ չգիտեն այդ հնարավորության մասին, նույնիսկ չնայած այն բանին, որ այն կարող է ինչ-որ ժամանակ փրկել կյանքը: Այդ ֆունկցիան օգտվողին հնարավորություն է տալիս տվյալներ և տեղեկություններ հայտնել իր մասին, որոնք կարող են կարևոր լինել արտակարգ իրավիճակներում:
Medical ID-ին մուտք կարելի է ստանալ սմարթֆոնի արգելափակման էկրանից: Դրա համար անհրաժեշտ է սեղմել «Արտակարգ կանչ» կամ «SOS» կոճակն արգելափակման պատուհանի ներքևի ձախ անկյունից: Արտակարգ կանչի էկրանի վրա հարկավոր է նույն ներքևի աջ անկյունում սեղմել Medical ID հղումին:
Medical ID-ում կարելի է նշել անունը, ծննդյան թիվը, հատուկ նշաններ, ինչպես նաև կարելի է ավելացնել արտակարգ կոնտակտները: Քանի որ այդ տեղեկատվությունը հասանելի է արգելափակման էկրանից, ապա հարկավոր է նշել այնպիսի տվյալներ, որոնք օգտվողը պատրաստ է կիսվել շրջապատի հետ:
Medical ID-ին լրացնելու համար հարկավոր է գործարկել «Առողջություն» ծրագիրը iPhone-ի գլխավոր մենյուից:
