Իրանի նախագահ Հասան Ռոուհանին` մեկնաբանելով ռուսական Սու-24-ին հարվածելու միջադեպը, հայտարարել է, որ հրթիռներն ու ինքնաթիռները «խաղալիքներ չեն, որոնց ինչ-որ մեկը կարող է ուղղահարվածել», հաղորդում է IRNA գործակալությունը:
«Հիմնվելով մեր ստացած հետախուզական տվյալների վրա` ռուսական ինքնաթիռը գտնվել է Սիրիայի օդային տարածքում, երբ թիրախ է դարձել: Եվ նույնիսկ, եթե ենթադրենք, որ այն մոտեցել է Թուրքիայի օդային սահմաններին, հրթիռներն ու ինքնաթիռները խաղալիքներ չեն, որոնց ինչ-որ մեկը կարող է ուղղակի հարվածել, տարածաշրջանում նման քաոսը ծայրահեղ վտանգավոր է»,- հայտարարել է Ռոուհանին:
Ռոուհանին նշել է, որ Ռուսաստանն ու Թուրքիան Իրանին բարեկամ հարևան երկրներ են, և վերջին իրադարձությունների ֆոնին շատ կարևոր է միմյանց հետ լավ հարաբերությունների պահպանումը:
