Ուսումնասիրությունները ցույց են տվել, որ կյանքը պետք է ձևավորված լիներ 9.7 մլրդ տարի առաջ՝ շատ ավելի վաղ, երբ ձևավորվել էր Երկիրը:
Մոլորակներ հետազոտողները հայտարարել են, որ հայտնաբերել են ջերմությամբ և չափսերով Երկրի նման 3 մոլորակ: Նրանք իրենց աստղերից այնքան հեռավորության վրա են տեղակայված, որ լիովին հնարավոր է դրանց վրա ջրի առկայությունը: Այս մասին հաղորդում է «Ամերիկայի ձայնը»:
Բացահայտումներն իրականացել են NASA-ի Kepler աստղադիտակի միջոցով: Առաջին մոլորակային համակարգը՝ Kepler 62-ը, գտնվում է Երկրից 1200 լուսնային տարվա հեռավորության վրա: Այն ունի 2 բնակելի գոտի՝ Kepler-62e և Kepler-62f:
Kepler-62e-ն, ըստ գիտնականների, հնարավոր է, ջրաշխարհ է իրենից ներկայացնում, իսկ Kepler-62f-ը կարող է լեռնային մոլորակ լինել:
Այս մոլորակները պտտվում են իրենց աստղի շուրջը, որը կազմում է մեր արեգակի 2/3-ը, իսկ մեր արեգակը դրանից ավելի քան 5 անգամ պայծառ է: Նախագծի աշխատակից Ուիլյամ Բորուքին նշել է, որ գտնվելով Kepler-62f-ի վրա՝ կարելի է կարծել, թե Երկրի վրա ես, և սովորական մռայլ եղանակ է տիրում:
Երկրորդ՝ Kepler-69 արեգակնային համակարգը, 70 տոկոսով մեծ է Երկրից և հնարավոր է՝ ունի երկրային հատկանիշներ:
