Առողջապահության նախարարության իմունիզացիայի ազգային կենտրոնի ղեկավար Գայանե Սահակյանը այսօր մեզ հետ զրույցում նշեց, որ թեև 2000 թվից մեզ մոտ դիֆտերիա չի արձանագրվել, սակայն ներկա պահին իրենց ուշադրության կենտրոնում են մեծահասակների պատվաստումները՝ 26, 36, 46, 56 տարեկանները: Այսինքն՝ յուրաքնչյուր 10 տարին մեկ պարբերականությանբ մարդիկ պետք է պատվաստվեն, որովհետև իմունիտետը պաշտպանողականությունը ապահովում է 10 տարվա ընթացքում:
Հատկապես այն դեպքում, երբ մարդիկ մանկական տարիքից հետո իրենց առողջության մասին հոգ չեն տանում:
«Ճիշտ է, Հայաստանում չունենք դիֆտերիայի դեպք, բայց ցանկացած պահի հիվանդությունը կարող է զարգանալ և տարծվել: Հատկապես այն դեպքում, երբ Ռուսաստանում, Պարսկաստանում, Թուրքիայում հիվանդությունը բռնկումների ձևով է տարածվում: Այսինքն՝ խմբակային ձևով է բռկվում: Ինչու եմ այս երեք երկրները նշում, որովհետև Հայաստանը այս երեք երկրների հետ շարժ ունի, և արդյունքում ցանկացած պահի հիվանդությունը կարող է ներմուծվել Հայաստան: Դա է պատճառը, որ մենք ուշադրություն ենք դարձնում մեծահասակների պատավաստումնենրին, և նախատեսված են պլանային պատվաստումներ»,- մանրամասնեց Գայանե Սահակյանն ու ավելացրեց, որ արդեն տարբեր աղբյուրների միջոցով բնակչությանը իրազեկում են, որ դիմեն իրենց տարածքային պոլիկլինիկա, որպեսզի պատվաստվեն և ստանան իրենց պլանային անվճար պատվաստումը:
