Ռուսական RIA Novosti լրատվական գործակալության փոխանցմամբ՝ Վրաստանն ասիական ու աֆրիկյան մի շարք երկրների քաղաքացիների համար խստացրել է երկիր մուտք գործելը։ Այդ մասին հայտարարել է Անվտանգության ու ճգնաժամերի կառավարման հարցերով խորհրդի ղեկավար Վախթանգ Գոմելաուրին։
«Մենք այսօր որոշում ենք ընդունել՝ խստացնել տարբեր երկրների, հիմնականում ասիական ու աֆրիկյան երկրների քաղաքացիների մուտքը Վրաստան։ Առավելագույն ձևով ձգտում ենք, որ ոմանք չօգտագործեն մեր երկիրը՝ որպես տարանցիկ երկիր և Վրաստանի միջոցով Սիրիա ներթափափանցելու, ու Սիրիայում ռազմական գործողություններին մասնակցելու համար։ Մենք արդեն իսկ արգելափակել ենք մի քանի տասնյակ մարդու, ինչպես նաև խստացրել ենք անցակետերի վերահսկողությունը»,- ասել է Գոմելաուրին։
Նա ընդգծել է, որ երկրում անվտանգության միջոցառումները խստացվել են Փարիզի ահաբեկչության օրը։
