ԱԺ պատգամավոր Ռուբեն Հակոբյանը «Առաջին լրատվական»-ի հետ զրույցում անդրադառնալով «Նոր Հայաստան» փրկության ճակատի մոբիլիզացիայի կոչերին, նշեց, որ հարգանքով է մոտենում քաղաքական դաշտում եղած բոլոր ուժերին, սակայն քաղաքականությունը հնարավորի արվեստ է և պրագմատիզմը շատ կարևոր է. «Քաղաքականությունը ընդհանուր կոչեր չեն. որևէ կոչ պետք է իսկապես ռեսուրսների վրա հիմնված լինի, և պետք է տեսանելի լինի, որ այդ կոչերը ունեն համապատասխան ռեսուրսներ ու տարածություն, որ կյանքի կոչվեն, այլապես երբեմն հակառակ էֆեկտ են ունենում: Այս առումով ես այսօր չեմ տեսնում քաղաքական այն հենքը, մոբիիզացիայի այն տարածությունը, որը կկարողանա իշխանափոխության խնդիրը լուծել»:
Ռուբեն Հակոբյանը կոչ արեց սահմանադրական «Այո»- ն ու «Ոչ»-ը չդիտարկել ընդդիմություն իշխանություն համատեքստում: Նա թեև ավելի շատ եղել է ընդդիմադիր, սակայն այժմ պրագմատիկ է, և գտնում է, որ ընդդիմությունը միշտ պետք է իր ռեսուրսները հաշվի առնի, և նշեց, որ «Սոցիալական այս ծանր վիճակում բովանդակային քննարկումները բացակայում են»:
