Նյու Յորքում Առևտրի համաշխարհային կենտրոնի աշտարակը առաջիկա օրերին կլուսավորվի Ֆրանսիայի դրոշի գույներով՝ կապույտ, սպիտակ և կարմիր՝ ի նշան եվրոպական այդ երկրի ժողովրդի հետ համերաշխության, որի մայրաքաղաքում ուրբաթ երեկոյան տեղի են ունեցել ահաբեկչություններ: Այս մասին հայտարարել է ուրբաթ օրը Նյու Յորքի նահանգապետ Էնդրյու Կուոմոն՝ գրում է TASS-ը:
«Այսօր և առաջիկա օրերին Նյու Յորքը Առևտրի համաշխարհային կենտրոնի աշտարակին կմիացնի կապույտ, սպիտակ և կարմիր գույնի լուսավորում: Մենք համերաշխ ենք Ֆրանսիայի ժողովրդի հետ՝ այնպես, ինչպես նրանք այն ժամանակ, երբ ողբերգությունը պատուհասել էր մեզ: Մենք նրանց հետ միասին ողբում ենք բոլոր սպանվածների համար և աղոթում նրանց համար, ովքեր վիրավորվել են կամ զրկվել հարազատներից»,- ասել է նա:
