Նիդերլանդներում XVII դարում գրված հազարավոր չառաքված նամակներ հայտնաբերվել են կաշվե սնդուկում, որտեղ դրանք պահպանվել են մի քանի հարյուր տարի:
Սնդուկը նվիրվել է Հաագայի թանգարանին 1926 թվականին, սակայն այնտեղ գտնվող 2600 նամակները, որոնցից 600-ը ոչ մի անգամ չի բացվել, հետազոտողների միջազգային խումբը միայն այժմ է սկսել ուսումնասիրել: Դրանց օգնությամբ գիտնականները հույս ունեն լույս սփռել XVII դարի վերջին XVIII դարի սկզբին տեղի ունեցած սկանդալների, ինտրիգների և եվրոպական ամենօրյա կյանքի վրա:
Նամակները հավաքված են եղել Սայմոն դե Բրիենի և նրա կնոջ ճամպրուկում՝ այն նկատառումով, որ ստացողը կգա վերցնելու նամակը: Նրանք Հաագայի փոստային վերահսկողությունը ղեկավարել են 1676-1707 թվականներին:
Ինչպես հաղորդում է բրիտանականThe Telegraph-ը, նամակները գրված են 6 լեզուներով, այդ թվում՝ ֆրանսերեն, հոլանդերեն, իսպաներեն և լատիներեն, հասարակական տարբեր դիրքեր ունեցող մարդկանց կողմից:
