Հնդկաստանի մայրաքաղաք Նյու Դելիում օդի աղտոտվածության մակարդակը 23 անգամ գերազանցում է նորման։ Այս մասին հայտնում է Hindustan Times պարբերականը։
Մայրաքաղաքի Անանդ Վիհար շրջանում վտանգավոր մասնիկների քանակը երեկոյան կազմել է մեկ խորանարդ մետրում 2308 միկրոգրամ, մինչդեռ նորման 100 միկրոգրամն է։
Օդի աղտոտվածությունը Հնդկաստանի մայրաքաղաքում սկսում է աճել երեկոյան ժամը 18.00-ից, գագաթնակետին հասնում 23.00-ի մոտ, և բարձր մնում մինչև առավոտ։
Մասնագետների կարծիքով՝ աղտոտված օդը վտանգավոր է ասթմայով և սրտային հիվանդություններով տառապող մարդկանց, ինչպես նաև երեխաների ու տարեցների համար։
