Իսպանիայի կառավարությունը որոշում է ընդունել հայց ներկայացնել Սահմանադրական դատարան Կատալոնիայի խորհրդարանի՝ անկախությւն ստանալու գործընթացի սկզբի վերաբերյալ բանաձևի անօրինականության վերաբերյալ: Այս մասին հայտնում է RIA Nօvosti-ն:
Երկուշաբթի Կատալոնիայի խորհրդարանը սկսել է Իսպանիայից անջատման գործընթաց՝ ընդունելով համապատասխան բանաձև: Իսպանիայի կառավարության ղեկավար Մարիանո Ռախոյը հայտարարել է, որ այդ քայլը համարում է անօրինական և հետևանքներ չունեցող: Պետական խորհուրդը (երկրի կառավարության բարձրագույն խորհրդատվական մարմին) նախօրեին նախարարների կաբինետին խորհուրդ է տվել հայցով դիմել Սահմանադրական դատարան:
Հայցն արդեն ներկայացվել է Սահմանադրական դատարան, որը պետք է այն քննելու վերաբերյալ որոշում ընդունի չորեքշաբթի ավելի ուշ: Եթե Սահմանադրական դատարանն այդ հայցն ընդունի քննության, բանաձևի գործողությունը կսառեցվի մինչև 5 ամսով, որի ընթացքում դատարանը պետք է վճիռ հրապարակի:
