ԱԺ պատգամավոր Նիկոլ Փաշինյանն այսօր «Վարդաշեն» քրեակատարողական հիմնարկում այցելել է քաղբանտարկյալ Վոլոդյա Ավետիսյանին, ով չորրորդ օրն է՝ շարունակում է հացադուլը:
Պատգամավորը Facebook-ի իր էջի միջոցով հայտնում է, որ երկու դատապարտյալներ միացել են հացադուլին: Տեղեկություններ կան, որ մեկ տասնյակ դատապարտյալներ նույնպես դիտարկում են հացադուլին միանալու հնարավորությունը:
«Պատճառը մեկն է. պատժի կրումից պայմանական վաղաժամկետ ազատ արձակման մեխանիզմը Հայաստանում դե ֆակտո չի գործում, համապատասխան հանձնաժողովները որեւէ կերպ չեն հիմնավորում իրենց մերժումներըը եւ անկախ հանձնաժողովի՝ պատժի կրումից պայմանական վաղաժամկետ ազատելուց մերժման որոշումները ՀՀ օրենսդրությամբ բողոքարկման ենթակա չեն:
Սա նշանակում է, որ համապատասխան հանձնաժողովները որոշումներ կայացնում են ոչ թափանցիկ, միայն իրենց հայտնի սկզբունքներով, ինչը առաջ է բերում ազատազրկման դատապարտված անձանց եւ նրանց հարազատների հասկանալի բողոքը»,- գրում է Փաշինյանը:
