Գիտնականները պարզել են, որ բրոնխիալ ասթմայի բուժման համար օգտագործվող դեղը նպաստում է տարեց մկների ուղեղում նոր բջիջների ձևավորմանը` նպաստելով ուղեղի աշխատանքի բարելավմանը: Հետազոտությունը հրապարակվել է Nature Communications ամսագրում:
Կենսաբանները փորձ են կատարել, որտեղ ընդգրկվել են 4-ից 20 ամսական մկներ: Վեց ամսվա ընթացքում նրանց տվել են այդ դեղը: Արդյունքում պարզվել է, որ տարեց մկների մոտ նկատվել է գլխուղեղի նոր բջիջների առաջացման արագացում, իսկ մտածողական ընդունակությունները նկատելիորեն բարելավվել են: Երիտասարդ մկների վրա այդ դեղն ազդեցությունը չի թողել:
