Իրանում ապրիլի 9-ին սկսվել է ուրանի երկու հանքերի շահագործումը: Այս մասին հայտնում է Euronews-ը: Միջուկային տեխնոլոգիաների ազգային օրվա առիթով հանքերի բացման արարողությանը մասնակցել է երկրի նախագահ Մահմուդ Ահմադինեժադը: Հանքերը գտնվում են Յազդ նահանգում՝ 100 կմ հեռու ուրանի կոնցենտրատի (օգտագործվում է ուրանի հարստացման համար) արտադրության նոր համալիրից:
Հանքերի բացման արարողության ժամանակ Ահմադինեժադը ներկայացրել է Իրանում հարստացված ուրանի հիման վրա ստեղծված դեղամիջոց, որը կօգտագործվի օնկոլոգիական հիվանդությունների ախտորոշման և բուժման համար:
Հանքերը շահագործման են հանձնել Ալմաթիում «վեցյակի» ներկայացուցիչների հետ միջուկային խնդրի շուրջ անարդյունք բանակցություններից մի քանի օր անց:
