Դատախազությունը վերաբացել է «Ոչ թալանին» նախաձեռնության անդամների դեմ հարուցված քրգործը:
«Ապագայում բնականաբար լինելու են երթեր, ու չեմ կարող ասել նաև ինչեր կարող են լինել, սրանով միտում ունեն քաղաքացիների մոտ վախի մթնոլորտ ստեղծել քաղաքացիների շրջանում, որպեսզի մարդիկ փողոց դուրս գալուց ավելի զգույշ լինեն կամ դուրս չգան՝ վախենալով, որ իրենց դեմ էլ կարող է քրեկան գործ հարուցվել,- «Առաջին լրատվական»-ի հետ զրույցում պարզաբանեց «Ոչ թալանին» նախաձեռնության անդամ Մաքսիմ Սարգսյանը:
Նախաձեռնող խմբի անդամ Միհրան Ավագյանն էլ հավելեց, որ ոչ թե ակտիվիստներն են խուլիգանություն արել, այլ ոստիկաններն էին պաշտոնական դիրքի չարաշահում իրականացնում: Ուղղակի ծաղրի են ենթարկում իրենց որոշումները, մե՛կ տուժող են ճանաչում, մե՛կ վկա, հետո կասկածյալ»:
Նախաձեռնության մեկ այլ անդամ՝ Արտուշ Չիբուխչյանը, որը նախկինում գործով որպես վկա էր անցնում, մեզ հետ զրույցում նշեց. «Խուլիգաններին հենց իրենց մեջ պետք է գտնեն, հենց հրաման տվողներն ու հրամանը կատարողներն են ամենամեծ խուլիգանները: Մենք կսպսենք իրենց քայլերին ու հաստատ սենց չենք թողնի, արժանի պատասխան կտանք, եթե փորձեն ճնշել, քրեական գործ հարուցել այն մարդկանց նկատմամբ, ովքեր իրենց իրավունքները փորձում են փողոցում իրականացնել: Հաստատ չեն մարսելու»: