2011 թվականից 100 երկրներից մոտ 30 հազար օտարերկրացիներ ԴԱԻՇ-ի շարքերից մասնակցել են Մերձավոր Արևելքի զինված հակամարտությանը։ Այս մասին հայտնում է թուրքական Hurriyet Daily News պարբերականը՝ հղում անելով ՆԱՏՕ-ի աղբյուրին։
Հաստատվում է, որ վերջին շրջանում դիտվում է Եվրոպայից վարձկանների նվազում և չեչենների կողմից իսլամիստների շարքերի ակտիվ համալրում։
Համաձայն ընդհանուր հաշվարկների՝ 2014 թվականից Իրաքում և Սիրիայում ահաբեկիչների կողմից կռվող օտարերկրացիների հոսքը գրեթե կրկնակի աճել է։
Եվրոպայից ԴԱԻՇ-ի շարքերը համալրող օտարերկրացիների ¼-ը, աղբյուրի տվյալներով, կանայք են։ Որոշ տվյալներով՝ վարձկան կանանցից շատերը 16 տարեկանից փոքր են։
2014 թվականից ԱՄՆ-ի գլխավորած կոալիցիան ոչնչացրել է մոտ 10 հազար գրոհայինի։ ՆԱՏՕ-ի տվյալներով՝ ներկա պահին ԴԱԻՇ-ը վերահսկում է Սիրիայի և Իրաքի տարածքի մոտ 15 տոկոսը։