Ապրիլի 23-ին Երևանում տեղի է ունեցել ավանդական ջահերով երթ` նվիրված Մեծ Եղեռնի զոհերի հիշատակին: Երիտասարդ դաշնակցականների կողմից կազմակերպված երթի մասնակիցներն Ազատության հրապարակի մոտից Բաղրամյան պողոտայով բարձրացել են Ծիծեռնակաբերդի բլուր:
Երթից առաջ ելույթ ունեցավ ՀՅԴ Բյուրոյի ներկայացուցիչ Վահան Հովհաննիսյանը, որն ասաց, որ Հայոց Ցեղասպանության հետևանքով հայ ազգը զրկվեց ոչ միայն իր պատմական հայրենիքց, այլև հոգևոր ու մշակութային ժառանգությունից, դեպի ծով ելք ունենալու հնարավորությունից: Հովհաննիսյանի խոսքով, այսօր Թուրքիան Հայաստանի հետ հարաբերությունները պիտի կառուցի հավասարը հավասարի սկզբունքով, այլ պայման անընդունելի է:
Երթի մասնակիցները պահանջել այրել են Թուրքիայի դրոշը` որպես թուրքական կառավարության կողմից Հայոց ցեղասպանությունը հերքելու դեմ բողոքի նշան: Այրվող թուրքական դրոշից էլ վառվել են ջահերը:
Երթի կազմակերպիչների գնահատմամբ, երթին մասնակցել է 10 հազար մարդ:
