Նյու Յորքի 28-ամյա բնակիչ Ջերեմի Քլենսը խելագարվել է` ստանալով մեծ քանակությամբ սպամ: Հիմա նա Գրեյսթոուն հոգեբուժարանում ստանում է համապատասխան բուժում:
Բժիշկներն ասում են, որ սա առաջին դեպքն է պատմության մեջ, երբ մարդը կարող է հոգեկան խանգարում ստանալ ինտերնետում սպամ նամակներ ստանալուց հետո: Այս մասին հաղորդում է NEWSru.com կայքը:
Կայքը հայտնում է, որ Ջերեմի Քլենսը հոգեկան խանգարումը ստացել է այն բանից հետո, երբ փորձել է գտնել սպամ ուղարկողներից յուրաքանչյուրին և պարզել նրանց անձը: Հազարավոր սպամ հեղինակներից մեկ շաբաթվա ընթացքում նա գտել է 23 սպամերի: Գիշերները նա գաղտնի այցելել է նրանց բնակարաններ և կտրել ինտերնետի լարերը` հույս ունենալով, որ ինչ-որ ժամանակ նրանք իրեն հանգիստ կթողնեն:
Նա հասցրել է ինտերնետ կապից զրկել ընդամենը 7 հոգու, որից հետո նրան ձերբակալել է ոստիկանությունը, որից հետո նրան ուղարկել են հարկադիր բուժման:
