![](https://www.1in.am/assets/uploads/2015/10/1692714.jpg)
Ճապոնիայում ուժի մեջ է մտել օրենքը, որը պահանջում է երկրի բնակիչներին՝ ներառյալ անչափահասներին, հատկացնել 12 թվից բաղկացած անփոփոխ համար: Այն կօգտագործվի ամբողջ կյանքի ընթացքում՝ գրանցման և հաշվառման գործողությունները դյուրացնելու նպատակով: Համակարգը տարածվում է նաև Ճապոնիայում երկար ժամանակ բնակվող օտարերկրացիների վրա: Այս մասին գրում է TASS-ը:
Հոկտեմբեր-նոյեմբերին առաջարկվում է երկրի բոլոր բնակիչներին քարտեր ուղարկել՝ համարի հատկացման մասին ծանուցմամբ: Հաջորդ տարվա հունվարից դրանք կսկսվեն կիրառվել հարկահավաքության, սոցիալական ապահովագրության համակարգում:
Ցանկացողները կարող են անվճար ստանալ մշտական քարտեր՝ իրենց լուսանկարով և անձնական համարով: