Շվեդիայում 114-րդ Նոբելյանական շաբաթը կմեկնարկի ֆիզիոլոգիայի և բժշկության ոլորտում դափնեկրի անվան հայտարարմամբ։ Շաբաթվա ընթացքում հայտնի կդառնան նաև այլ ոլորտներում դափնեկիրների անունները։ Այս մասին հայտնում է TASS գործակալությունը։
Հոկտեմբերի 6-ին Շվեդիայի մայրաքաղաքում կհայտարարվի Նոբելյանական կոմիտեի որոշումը ֆիզիկայի ոլորտում դափնեկրի մասին, հոկտեմբերի 7-ին՝ քիմիայի ոլորտում։ Հոկտեմբերի 9-ին Օսլոյում կհայտնեն Խաղաղության մրցանակի դափնեկրի անունը։
Հոկտեմբերի 12-ին հայտնի կդառնա տնտեսագիտության ոլորտում Նոբելյան մրցանակի դափնեկրի անունը։ Մրցանակը սահմանվել է 1968 թվականին Շվեդայի պետական բանկի կողմից։ Գրականության ոլորտում մրցանակակրի անվան հայտարարման ամսաթիվը դեռևս չի հայտարարվել։
Նոբելյան կոմիտեները մինչև վերջին պահը ոչինչ չեն հայտնում ոչ հավակնորդների, ոչ էլ նրանց առաջնորդների մասին, միայն փորձագիտական կանխատեսումներ են լինում։
1901 թվականից Նոբելյան մրցանակ շնորհվել է 567 անգամ։ Մրցանակակիր են դարձել 864 մարդ և 25 կազմակերպություն։
Դրամական պարգևը 8 մլն շվեդական կրոն է (950 հազար դոլար)։