Մալթայում տեղի ունեցած ավտոշոուի ժամանակ Porsche 918–ը կորցրել է ղեկավարումը և մխրճվել ամբոխի մեջ, ինչի հետևանքով ամենաքիչը 21 մարդ վիրավորվել են, հայտնում է Times of Malta-ն:
Պատահարը տեղի է ունեցել կիրակի ցերեկը Մալթայի միջազգային օդանավակայանից ոչ հեռու, որտեղ ամեն տարի տեղի է ունենում Paqpaqli Ghall-Istrina բարեգործական ավտոշոուն:
Ականատեսների խոսքով` ավտոմեքենայի անիվներից մեկը դուրս է եկել մայրուղու սահմաններից, ինչի պատճառով վարորդը կորցրել է ղեկավարումը: Մեծ արագությամբ ընթացող ավտոմեքենան քանդել է ցանկապատը և մխրճվել ամբոխի մեջ: Տուժածների մեջ կա վեցամյա երեխա: 3 հոգի գտնվում են կրիտիկական վիճակում:
Շտապ օգնության մեքենաները և ուղղաթիռները տուժածներին հասցրել են հիվանդանոց:
https://youtu.be/jsS-6Smmklc