Այսօր «Ժառանգություն» կուսակցության առաջնորդ Րաֆֆի Հովհաննիսյանը Գորիսում ասել է, որ վախի ստորին անդունդում գտնվող քաղաքներից մեկն է, բայց Գորիսը դուրս է գալիս իր սարսափից, վախից:
«Առաջին լրատվական»-ի հետ զրույցում Գորիսի քաղաքապետ Նելսոն Ոսկանյանը նշեց, որ Գորիսում վախի մթնոլորտ չկա, այսօր մեռելոց է, ամեն մարդ իր աշխատանքին է:
Իսկ այն, որ Գորիսում անմիջական ազդեցություն ունի մարզպետը, քաղաքապետը չժխտեց.
«Բնականաբար աղզդեցություն ունենում է, մարզպետ, թե քաղաքապետ բոլորը ունենում են ազդեցություններ, ամեն մարդ իր քաղաքական շահն ունի, և ամեն մեկը գտնում է, որ իր քաղաքական շահը ամենաճիշտն է, իսկ ով է ասել Րաֆֆին ամենաճիշտն է կամ ամենասխալն է, Րաֆֆին ճիշտ է գտնում, հակառակ կողմն էլ գտնում է, որ ինքը ճիշտ չէ»- հավելեց Գորիսի քաղաքապետը:
Հետաքրքրվեցինք՝ արդյոք ճիշտ է, որ Սյունիքի մարզպետարանի աշխատակիցների 90 տոկոսը գորիսեցիներ են. «Ոչ այդպես չէ, մարզպետարանում աշխատում են և՛ Մեղրիից, և՛ Կապանից, և Գորիսից, և՛ Սիսիանին, մարզպետարանի աշխատակիցները ընդունվում են քաղծառայողի օրենքով, այ դա արդեն մի քիչ կլյաուզա է դառնում»,- ասաց Նելսոն Ոսկանյանը՝հավելելով, որ շԳորիսից 4-5 հոգի են աշխատում: